Bergheim

800 jaroj da vito-kultivado kaj da vino

Altenberg, fieras pri la vinber-kultivistoj de Bergheim, ĝi estas famekonata pro siaj vinoj ekde la XII-a jarcento. Tiu fameco originas eĉ de pli longa tempo. Ekde la III-a jarcento, la romianoj jam kultivis vitojn en la regiono. Tion atestas mozaiko de malnova vilao, malkovrita proksime de la historia centro de la urbeto.

Bergheim estis fortifikita urbo kun privilegioj de libera urbo, tial en ĝi abundas riĉa historio, kiun oni povas ankoraŭ legi sur ĝiaj muroj kaj laŭlonge de ĝiaj stratoj. En provinco kun trairadoj kaj konkeradoj, la pasinteco estis kelkfoje tumulta. Tra tiaj sorto-ŝanĝoj, la loĝantoj de Bergheim ĉiam montris kuraĝon kaj fierecon por defendi sian urbon kaj sian liberecon.

Nuntempe, kun la sama fiereco, ili defendas siajn tradiciojn, sine de kiuj la vitejoj kaj la vino daŭre okupas tre grandan lokon.

Sylvie Spielmann

Virino sentema pri escepta hejm-grundo.

Post studoj pri vinber-kultivado en Ĉampanjo kaj en Burgonjo, Sylvie Spielmann forflugas al Kalifornio kaj post al Aŭstralio, novaj landoj de vino.

Ŝi tiel malproksimiĝas dum kelkaj jaroj de la familia bieno. Tamen, kun la celo pli bone reveni kaj pritaksi tiun esceptan hejm-grundon.

Certe, maloftas en Alzaco, ke virino, sola estras la vinberejon. Tamen en la familio, tio estas preskaŭ tradicio, ĉar la patrino de Sylvie Spielmann ja mem estris la bienon. Nenia dubo, ke tiu virina sentemo iel influas la manieron koncepti la vinojn de la bieno.

Kio plej multe tiom forte allogis min al tiu profesio, estis eble, ke tut-unue ĉio malproksimigis min de ĝi. Esti virino kaj deziri elekti sian destinon, instigis min forvojaĝi pli ol resti.

Aliloken mi iris, sed ĉiam kun la celo renkontiĝi kun vitejoj kaj vinoj. Tie fore, mi komprenis, ke la defio troviĝas ĉi-tie. Ankaŭ la feliĉo: la Bieno Sylvie Spielmann atendis min..."

La Bieno Sylvie Spielmann

Firmigita personeco

. La historio pri la Bieno Sylvie Spielmann estas ligita kun gipso-ŝtonejo, kiu estis ekspluatita fare de la familio dum pli ol jarcento. Dum la Krimeo-milito, praulo de la familio observis, kiel oni prilaboris tiun ŝtonon por elfari gipson. Li rimarkis similajn tavolojn en Bergheim, tial li komencis ekspluati ilin. Baldaŭ oni imitis lin, ĉar en la lasta jarcento, oni nombris ne malpli ol 6 gipso-muelejoj en la urbeto. Poste la firmao Spielmann estis la sola daŭriganta tiun ekspluatadon, unue sub-ĉiele kaj poste tra galerioj, kiuj profundis 50 metrojn sub tero.

Nuntempe, la gypso-ŝtono daŭre signas la personecon de la Bieno, ĉar ĝiaj 8 hektaroj etendiĝas ĉefe ĉirkaŭ tiu malnova ŝtonejo, nuntempe grundo-plenigita kaj mem plantitaj je vitoj. Subtenata de tiu Bieno kun firmigita personeco, Sylvie Spielmann, ĉiam dezirema lerni, kompreni, malkovri, estas influita de nelacigebla volo ellabori famajn hejm-grundaj vinspecojn, sen ia ajn koncedo.

Grundoj kaj Klimato

Kompreni la hejm-grundon... Por produkti elstarajn vinojn, nepras konstante priatenti la hejm-grundon kaj la sensivecon de ĉiu vin-speco je influo de la grundoj kaj de la klimato. La grundoj de la Bieno Sylvie Spielmannn, estas ĉefe argilo-marno-kalkaj kaj tial relative pezaj. La klimato estas iom pli malfrua ol ali-loke. La malnova gipso-ŝtonejo kreas mikro-klimaton kaj apartan tipecon. Tiaj ecoj donas al la vinoj iliajn personecojn kaj la kapablon maljuniĝi.

La Bieno Sylvie Spielmannn ekspluatas krome du klasifikitajn lok-nomojn "Alsace Grand Cru" (alzas gran kru -elstara vino) la "Grand Cru Altenberg" de Bergheim kaj la "Grand Cru Kanzlerberg". La loknomoj Blosenberg kaj Engelgarten ankaŭ posedas ecojn de hejm-grundo, kiuj pravigas apartan vinigadon.

Kultivado kaj vinigado

Favorigi ties esprimon.

Celante kvaliton kaj respekton de la medio, la Bieno Sylvie Spielmann estas engaĝita en klopodoj de garantiita biologia kultivado. Temas, ĉefe dank'al bone pripensitaj organikaj aldonaĵoj, trovi harmonian ekvilibron inter vegetala disvolviĝo kaj hejm-grunda influo.

Necesas ankaŭ adapti la fortranĉadojn kaj eventuale forigi la troajn vinberojn, por bridi la rendimentojn, kio estas ankaŭ kvalito-garantio.

Rilate la laborojn en la kelo kaj ĉefe por bone kontroli la vinigado-procedon, la Bieno Sylvie Spielmann akiris modernan vin-kuvaron. Malgrandaj kuvoj ebligas apartigi la sortimentojn, konservante tiel la esprimojn de la hejm-grundoj kaj tipecojn de la vinoj.

"... Ekde tiam, mi klopodis preni la plej bonajn partojn, kiujn mia familio kaj la naturo transdonis al mi... Mi estus povinta kontentiĝi fari tre bonajn vinojn. Mi deziris fari pli bone, almenaŭ laŭ miaopinie: havigi al ili propran personecon. Ne por ke ili pretendu esti la plej bonaj, sed tutsimple por ke ili estu si mem. Kaj se, laŭdire, ili similas al mi, despli bone !"